Breadcrumb [EU]

   Gaia
 

Navegacion

Gai-xehetasuna

2
Elkarrekin Podemos talde parlamentarioak egindako legez besteko proposamena, gazte-enpleguari buruz. Eztabaida eta behin betiko ebazpena. [11
11
02
01
0072]
2017.03.23
19
04:33

Jatorrizko ekimenak

11\11\02\01\00072Gazte-enpleguari buruz

Izapideak

-

Hizlariak

Poposamena egin duen taldearen txanda.

Bollain Urbieta, Julen (EP LT) (09:39)Bideoa ikusi

Zuzenketak aurkeztu dituzten taldeen txanda.

Etxebarrieta Legrand, Oihana (EH Bildu LT) (09:49)Bideoa ikusi

Andueza Lorenzo, Eneko (SV-ES LT) (09:55)Bideoa ikusi

Gurrutxaga Uranga, Maialen (EA-NV LT) (10:04)Bideoa ikusi

Zuzenketarik aurkeztu ez duten taldeen txanda.

Ruiz de Arbulo Cerio, Javier (PV-ETP LT) (10:11)Bideoa ikusi

Erantzuteko txanda.

Bollain Urbieta, Julen (EP LT) (10:21)Bideoa ikusi

Etxebarrieta Legrand, Oihana (EH Bildu LT) (10:25)Bideoa ikusi

Andueza Lorenzo, Eneko (SV-ES LT) (10:29)Bideoa ikusi

Gurrutxaga Uranga, Maialen (EA-NV LT) (10:34)Bideoa ikusi

Ruiz de Arbulo Cerio, Javier (PV-ETP LT) (10:37)Bideoa ikusi

Botazioa. (10:41)Bideoa ikusi

Testua

Gai-zerrendako bigarren puntua: "Elkarrekin Podemos talde
parlamentarioak egindako legez besteko proposamena, gazte-
enpleguari buruz. Eztabaida eta behin betiko ebazpena".

Talde proposatzailearen, Elkarrekin Podemosen, ordezkariak
dauka hitza. Bollain jauna, zurea da hitza ekimena aurkeztu
eta aldezteko.


BOLLAIN URBIETA jaunak: Eskerrik asko, mahaiburu anderea.
Lehendakari jauna, legebiltzarkideok, egun on guztioi.

Gaurko bilkura honetara, gazteriaren egoera prekarioari
buruzko legez besteko proposamen bat ekarri dugu. Guretzat,
ezinbestekoa da krisiak gogorren jo dituen kolektiboentzat
politika egitea, eta, dudarik gabe, gazteak kolektibo
horietako bat da.

Urteak dira jada non gazteek arazo gero eta larriagoak
dituzten. Gazteek ez dakigu batzuetan zertaz ari den
Gobernua euskal oasiari buruz hitz egiten duenean. Ez,
gazteok urteak daramatzagu basamortuan harez gainezko
bizitzen. Egoera benetan larria, bizitza aurrera ateratzeko
zailtasun handiekin eta bizitza duin bat bizitzeko
ezintasunarekin gehienetan.


Duintasuna gutako askorentzat ispilatze bat besterik ez da;
ameskeria bat, irudikeria bat. Zeruertzean bizi-baldintza
egokiak ikusten ditugu, bai, eta, haietan harrapatzeko lan
handia egin arren, haiengana iristeak gure eguneroko,
asteko eta hilabete-bukaerako buruko mina izaten jarraitzen
du.


Esaten nuen herri honetako gazteek hainbat urte
daramatzatela bizimodu duina izateko ahaleginean gero eta
gehiago sufritzen, baina, egituraren aldetik, kolektibo
horri ez diogu inoiz dagokion tokia eman. Gazteria
gizartearen etorkizuna da; haren aldeko apustua egin behar
da, beraz.

Nire belaunaldikoei ikasteko esaten ziguten; etorkizun
duina izan genezan, gogotik ikasteko; karrera bat edo goi-
mailako gradu bat ikasiz gero, enplegu duin bat izango
genuela, eta, hala, lasai bizi ahalko ginela. Baina hori,
egun, ez da egia: Euskadin inoiz izan den belaunaldirik
prestatuena daukagu, eta gazteen langabezia-tasa % 30
ingurukoa dela ikusten ari gara; kopuru