Breadcrumb [EU]

   Gaia
 

Navegacion

Gai-xehetasuna

4
Elkarrekin Podemos talde parlamentarioak egindako legez besteko proposamena, emakumeenganako indarkeria sinbolikorik gabeko kirol-ekitaldiei buruz. Eztabaida eta behin betiko ebazpena. [11
11
02
01
0153]
2017.05.18
28
05:57

Jatorrizko ekimenak

11\11\02\01\00153Emakumeenganako indarkeria sinbolikorik gabeko kirol-ekitaldiei buruz

Izapideak

-

Hizlariak

Berriro ekin zaio bilkurari.

Poposamena egin duen taldearen txanda.

Arana Varas, Eukene (EP LT) (15:14)Bideoa ikusi

Zuzenketak aurkeztu dituzten taldeen txanda.

Barrio Baroja, Carmelo (PV-ETP LT) (15:29)Bideoa ikusi

Etxebarrieta Legrand, Oihana (EH Bildu LT) (15:35)Bideoa ikusi

Romero Pozo, Rafaela (SV-ES LT) (15:43)Bideoa ikusi

Molina Pérez, Rakel (EA-NV LT) (15:49)Bideoa ikusi

Botazioa. (15:57)Bideoa ikusi

Testua

Arratsaldeko hirurak eta hamaseian ekin zaio berriz
bilkurari.

LEHENDAKARIAK: Arratsalde on.

Gai-zerrendako laugarren puntua: "Elkarrekin Podemos talde
parlamentarioak egindako legez besteko proposamena,
emakumeenganako indarkeria sinbolikorik gabeko kirol-
ekitaldiei buruz. Eztabaida eta behin betiko ebazpena".

Proposamena egin duen taldearen txanda. Elkarrekin Podemos.
Arana andreak dauka hitza, ekimena aurkeztu eta aldezteko.

ARANA VARAS andreak: Arratsalde on guztioi. Eskerrik asko,
mahaiburu andrea. Legebiltzarkideok.

Elkarrekin Podemosek berriro dakar Ganbera honetara
berdintasunaren aldeko eta indarkeria matxisten aurkako
politikei ikuspegi feministatik bulkada handiagoa emateko
ekimen bat. Oraingo honetan, kirolaren esparrua izango dugu
hizpide.

Gai horretan indarrean dagoen legeria hobetzeko konpromisoa
hartu genuen gure programan. Iruditzen zaigu kirolaren
mundua ikuspuntu feministatik aztertzeak hura hobetzen
lagunduko duela, zalantzarik gabe, emakumeentzat zein
gizonentzat; azken batean, gizarte osoarentzat.

Azken bi hilabete hauetan, Autonomia Erkidegoko hainbat
udalerritan aurkeztu dira indarkeria sinbolikoarekin eta
kirolarekin lotutako ekimenak. Bilboko edo Gasteizko
udalerrietan onartu egin dira gure kidekoak diren Udalberri
eta Podemos Gasteizko zinegotziek aurkeztutako
proposamenak, kirol-ekitaldietako podiumetan, sustapenetan
edo publizitatean emakumeak sexu-objektuak balira bezala
agertzea erauzteko.


Gaur ekimen hau aho batez onestearekin, indartu egiten dugu
gobernu-maila ezberdinetako politiken arteko koherentzia,
eta sendotu egiten dugu kirolaren munduan egiten ari den
lana, emakumeen aurkako diskriminazioa, ezberdinkeria eta
indarkeria aurreikusi eta desagerrarazteko. Beste pauso bat
da. Hala eta guztiz ere, asko geratzen da egiteko, eta,
arazoaren ikuspuntu globalago batetik, neurri zabalagoak
sustatu beharra dago, gaur hemen erdibideko honen bitartez
onetsiko ditugunen ildoan.

Adituek esaten dute matxismoaren gotorleku oso