Breadcrumb [EU]

   Gaia
 

Navegacion

Gai-xehetasuna

3
Legez besteko proposamena
Genero Indarkeriaren kontrako Estatu Ituna inplementatzeari buruz
Elkarrekin Podemos LT (EP LT)
2018.05.03
79
05:45

Jatorrizko ekimenak

11\11\02\01\00345Genero Indarkeriaren kontrako Estatu Ituna inplementatzeari buruz

Izapideak

Osoko bilkura. Ekimena onestea (EA-NV, EH Bildu, EP, SV-ES eta PV-ETP taldeek hitzartutako erdibideko zuzenketa onetsi da.)

Hizlariak

Proposamena egin duen taldearen txanda.

Arana Varas, Eukene (EP LT)Bideoa ikusi

Zuzenketak aurkeztu dituzten taldeen txanda.

Etxebarrieta Legrand, Oihana (EH Bildu LT)Bideoa ikusi

Garrido Knörr, Laura (PV-ETP LT)Bideoa ikusi

Rojo Solana, Natalia (SV-ES LT)Bideoa ikusi

Arrizabalaga Arruza, Leixuri (EA-NV LT)Bideoa ikusi

Erantzuteko txanda.

Arana Varas, Eukene (EP LT)Bideoa ikusi

Garrido Knörr, Laura (PV-ETP LT)Bideoa ikusi

Rojo Solana, Natalia (SV-ES LT)Bideoa ikusi

Arrizabalaga Arruza, Leixuri (EA-NV LT)Bideoa ikusi

Botazioa.Bideoa ikusi

Testua

Gai-zerrendako hirugarren puntua: "Elkarrekin Podemos talde

parlamentarioak egindako legez besteko proposamena, Genero

Indarkeriaren kontrako Estatu Ituna inplementatzeari buruz.

Eztabaida eta behin betiko ebazpena".



Talde proposatzailearen txanda, Elkarrekin Podemos

taldearen ordezkaria den Arana andereak dauka hitza ekimena

aurkeztu eta defendatzeko.



ARANA VARAS andreak: Bai, egun on guztioi. Egun on,

mahaiburu andrea, legebiltzarkideok.



Elkarrekin Podemosekook ekimen hau dakargu...



LEHENDAKARIAK: Mesedez, isiltasuna denak, mesedez.



Mesedez, isiltasuna.



ARANA VARAS andreak: Eskerrik asko.



Elkarrekin Podemosekook ekimen hau dakargu indarkeria

matxisten biktima izan diren eta bizirik dirauten emakumeen

eskubideen babesa hedatzeko helburuarekin. Duela aste

batzuk eraman zen erregistrora ekimena, baina nire defentsa

eta nire gogoetak, zuen baimenarekin, etorriko dira azken

egun hauetan gertatu denarekin txirikordatuta. Ordenaz

aritzen ahalegindu behar dut, baina lehenik gustatuko

litzaidake argi eta garbi esatea nik bai sinesten

zaitudala, nik bai sineste zaituztedala, eta bat ukituz

guztiok ukitzen gaituztela.



2017an, genero-indarkeriaren kontrako Estatu-itun bat

onetsi zen Kongresuan, 200 neurri baino gehiagoko sorta

biltzen duena, emakumeen aurkako indarkeria aurreikusi eta

erauztera bideratutako esku-hartzea indartu eta hobetzeko.

Badakizue denok Unidos Podemos abstenitu egin zela itun

horretan. Boto horren bidez adierazi nahi izan zen ez

zaiela inoiz ere trabarik ezarriko indarkeria matxisten

pean dauden emakumeen eskubideen babeserako aurrerapausoak,

txikienak direlarik ere, erakartzen dituzten politikei;

baina halaber agerian ipini nahi izan zen itun hori ez zela

nahikoa, eta ez zegoela sasoi honetan behar besteko mailan.

Nabarmendu nahi izan zen ikuspegia eta eskubideen babesa

zabaltzeko aukera bazegoela; berdintasunari eta indarkeria

matxistari buruzko politikak eguneratzeko