Breadcrumb [EU]

   Gaia
 

Navegacion

Gai-xehetasuna

3
Osoko bilkuran ahoz erantzuteko galdera
Eusko Jaurlaritzaren hurrengo hilabeteei buruz
Martínez Hierro, Lander (EP LT)
Eusko Jaurlaritza, lehendakaria
2018.11.23
104
04:38

Jatorrizko ekimenak

11\10\05\01\00478Eusko Jaurlaritzaren hurrengo hilabeteei buruz

Izapideak

Osoko bilkura (Lehendakariak erantzun du)

Hizlariak

Martínez Hierro, Lander (EP LT)Bideoa ikusi

LehendakariaBideoa ikusi

Martínez Hierro, Lander (EP LT)Bideoa ikusi

LehendakariaBideoa ikusi

Testua

Gai-zerrendako hirugarren puntua: "Galdera, Lander Martínez

Hierro Elkarrekin Podemos taldeko legebiltzarkideak

lehendakariari egina, Eusko Jaurlaritzaren hurrengo

hilabeteei buruz".



Martínez jauna, zurea da hitza.



MARTÍNEZ HIERRO jaunak: Eskerrik asko, mahaiburu andrea.

Lehendakari jauna:



Azken hilabeteetan zure lekua zaila izan da hemen: zure

Gobernuaren minoria parlamentarioa argi geratu egin da eta

aurrekontuak gaur egun airean daude oraindik. Baina zure

Gobernuak aukera egin du: atea itxi digu Elkarrekin

Podemosi eta Euskal Herria Bildu hartu du aukera bakar

bezala. Argi ez dagoena da ea Euskal Herria Bilduk zuei

hartzaren besarkada delako bat egiten dizuen autogobernuan

eginiko ituna aurrekontuetara zabaltzen edo Euzko Alderdi

Jeltzaleak subalternitatean uzten duen Euskal Herria Bildu

eta makuilu berri bat gehitzen duen, Alderdi Sozialistatik

aparte.



Lehendakaria, nola lotuko duzu puzzle oso hau? Alderdi

Sozialistak karguetan eta liberazioetan duen dependentzia

nahikoa izango da hauek hurrengo hauteskundeetara arte

Gobernuan mantentzeko Euskal Herria Bildu eta Euzko Alderdi

Jeltzalearen arteko aliantza eraikitzen den bitartean? Uste

duzu, Bildu zure Gobernuaren makuilu berria izanda,

autogobernuarekiko kritikak mantendu ahal izango dituzuela?

Hau da, nola egingo dio aurre hurrengo hilabeteei zure

Gobernuak, lehendakari jauna?



LEHENDAKARIAK: Eskerrik asko, Martínez jauna.



Erantzuteko, lehendakari jauna, zurea da hitza.



JAURLARITZAKO LEHENDAKARIAK (Urkullu Renteria):

Legebiltzarburu andrea, legebiltzarkideok, sailburuok,

jaun-andreok, egun on.



Nola egingo dion aurre gure Gobernuak etorkizunean? Begira,

Martínez jauna, datozen hilabete hauei ere lehen egunetik

izan dudan eta izan dugun jarrera, gogo eta asmo

berdinarekin ekingo diet eta ekingo diegu. Gobernu-programa

bat dugu gizartearekin hartutako konpromisoa eta programa

hori betetzea da gure lehentasuna. Ondo baino hobeto