Breadcrumb [EU]

   Gaia
 

Navegacion

Gai-xehetasuna

2
Euskal Sozialistak legebiltzar-taldeak egindako lege-proposamena, Itsu Txakurrei buruzko azaroaren 21eko 17/1997 Legea aldatzeko, laguntzako txakur batekin ibili beharra daukaten ahalmen-urritu guztiei erabilera publikoko edozein toki, establezimendu eta garraiotan, hala titulartasun publiko nola pribatukoetan, txakurrarekin sartzeko, ibiltzeko edo egoteko eskubidea aitortu eta bermatu dakien. Aintzat hartzeari buruzko eztabaida eta behin betiko ebazpena
2006.12.29
51
02:34

Jatorrizko ekimenak

08\09\02\02\00023Itsu Txakurrei buruzko azaroaren 21eko 17/1997Legea aldatzeko, laguntzako txakur batekin ibili beharra daukaten ahalmen-urritu guztiei erabilera publikoko edozein toki, establezimendu eta garraiotan, hala titulartasun publiko nola pribatukoetan, txakurrarekin sartzeko, ibiltzeko edo egoteko eskubidea aitortu eta bermatu dakien

Izapideak

-

Hizlariak

Aldeko txanda.

Agúndez Basterra, Mertxe (SV-ES LT) (11:12)Bideoa ikusi

Taldeen txanda.

Bilbao Cuevas, Kontxi (Mixto-EB LT) (Eserlekutik) (11:17)Bideoa ikusi

Altzelai Uliondo, Nekane (EA LT) (Eserlekutik) (11:19)Bideoa ikusi

Barreda de los Ríos, Leopoldo (PV-ETP LT) (11:20)Bideoa ikusi

Tejeria Otermin, Bakartxo (NV LT) (Eserlekutik) (11:22)Bideoa ikusi

Erantzuteko txanda.

Agúndez Basterra, Mertxe (SV-ES LT) (Eserlekutik) (11:22)Bideoa ikusi

Botazioa. (11:24)Bideoa ikusi

Testua

Gai-zerrendako bigarren puntura joango gara: "Euskal
Sozialistak legebiltzar-taldeak egindako lege proposamena,
Itsu Txakurrei buruzko azaroaren 21eko 17/1997 Legea
aldatzeko, laguntzako txakur batekin ibili beharra daukaten
ahalmen-urritu guztiei erabilera publikoko edozein toki,
establezimendu eta garraiotan, hala titulartasuna publiko
nola pribatukoetan, txakurrarekin sartzeko, ibiltzeko eta
egoteko eskubidea aitortu eta bermatu dakien. Aintzat
hartzeari buruzko eztabaida eta behin betiko ebazpena".

Banatu zaizuen dokumentazioan daukazue Jaurlaritzaren
irizpidea, eta horrenbestez, irakurri barik eztabaidari
ekingo diogu. Beraz, aldeko txandan Euskal Sozialistak
taldearen ordezkariak, Agundez andreak, dauka hitza.

AGÚNDEZ BASTERRA andreak: Eskerrik asko, lehendakari
andrea. Egun on denoi.

Legebiltzarkideok aintzat har dezazuen ekarri dudan lege-
proposamenaren xedea da ahalmen-urritasunak dituzten
pertsonei batetik beste ibiltzea erraztea, irisgarritsun
handiagoa bermatuz eta espazio publikoak erabiltzeko aukera
emanez, horrek, ezbairik gabe, gizarteratzen lagunduko
baitie.

Konstituzioaren 14. artikuluak, berdintasunaren printzipioa
ezartzen duenean, aginte publikoei dei egiten die pertsonen
berdintasuna eta pertsona horiek osatzen dituzten
gizataldeena zailtzen edo eragozten dituzten oztopoak ken
ditzaten. Euskal erakundeek, Autonomia Estatutuak
izendatzen dizkien eskumenen arabera, hainbat ekimen garatu
izan dituzte ahalmen-urritasunak dituzten pertsonak
gizarteratzea lortzeko, gizarteratze hori errealitate izan
dadin lortzeko. Alde horretatik, komeni da gogoratzea
abenduaren 4ko 20/1997 Legeak, Irisgarritasuna Sustatzen
duenak, tresna garrantzitsuak ezarri zituela. Aurretik
azaroaren 21eko 17/97 Legea eman zen, itsu-txakurrena, eta
gaur, hain zuzen ere, lege hori aldatzeko proposamena
egiten dugu Ganberak aintzat har dezan.

Ekimen honekin, Arartekoaren erakundeak 2005eko txostenean
egindako gomendio bat jasotzen du Legebiltzar Talde
Sozialistak, eta bertan