Breadcrumb [EU]

   Gaia
 

Navegacion

Gai-xehetasuna

4
Mozioa, Juana Iturmendi Maguregui Euskal Talde Popularreko legebiltzarkideak aurkeztua, azterketa ginekologikoei buruz. Eztabaida eta behin betiko ebazpena
2008.11.14
106
03:56

Jatorrizko ekimenak

08\11\03\00\00085Azterketa ginekologikoei buruz

Izapideak

-

Hizlariak

Aldeko txanda.

Iturmendi Maguregui, Juana (PV-ETP LT) (09:54)Bideoa ikusi

Zuzenketak aurkeztu dituzten taldeen txanda.

Roncal Azanza, Blanca (SV-ES LT) (10:05)Bideoa ikusi

Zuzenketarik aurkeztu ez duten taldeen txanda.

Fernández López de Uralde, José Miguel (Mixto-EB LT) (10:11)Bideoa ikusi

Antxustegi Urkiaga, Karmele (EA LT) (Eserlekutik) (10:15)Bideoa ikusi

Erauskin Otegi, Miren Nekane (EAB LT) (Eserlekutik) (10:17)Bideoa ikusi

Tejeria Otermin, Bakartxo (NV LT) (10:18)Bideoa ikusi

Erantzuteko txanda.

Iturmendi Maguregui, Juana (PV-ETP LT) (10:29)Bideoa ikusi

Roncal Azanza, Blanca (SV-ES LT) (10:35)Bideoa ikusi

Fernández López de Uralde, José Miguel (Mixto-EB LT) (10:39)Bideoa ikusi

Tejeria Otermin, Bakartxo (NV LT) (10:43)Bideoa ikusi

Botazioa. (10:48)Bideoa ikusi

Testua

Gai-zerrendako laugarren puntura joango gara: "Mozioa,
Juana Iturmendi Maguregui Euskal Talde Popularreko
legebiltzarkideak aurkeztua, azterketa ginekologikoei
buruz. Eztabaida eta behin betiko ebazpena".

Iturmendi Maguregui andreak dauka hitza.

ITURMENDI MAGUREGUI andreak: Eskerrik asko, lehendakari
andrea. Egun on, legebiltzarkide jaun-andreok.

Mozio hau sailburuari nik neuk planteatutako
interpelazioaren ondorioz aurkeztu dugu, interpelazioari
erantzunez joan den urriaren 28an sailburuak egindako
adierazpenen aurrean.

Eta, legebiltzarkide jaun-andreok, esandakoak esanda,
Jaurlaritzak egindako joko mediatikoa gorabehera, nahiko
gustura nago. Eta nahiko gustura nago gure helburua,
emakumeek azterketa ginekologikoen programa bat izatekoa,
alegia, 2007ko urrian aurkeztu genuen legez besteko
proposamenaren helburu nagusia izanik, agian hurbilago
dagoelako. Izan ere, Jaurlaritzak aitortu, behintzat, egin
du hutsune hori badagoela, eta idatziz, gainera. Eta, esan
bezala, horrek esan nahi du apur bat egin dugula aurrera.

Legebiltzarkide jaun-andreok, zuek badakizue zein egoeratan
gauden gaur egun azterketa ginekologikoei dagokienez. Zuek
badakizue ez daukagula azterketa ginekologikoen programa
zehatzik, eta, ondorioz, egiten duguna oso gutxi dela eta,
gainera, antolatu gabe egiten dugula.

Era berean, badakizue umetoki-lepoko minbiziaren eragina
areagotzen ari dela, baina aurrea har diezaiokegun, goiz
detektatu dezakegun eta tratamendua eman diezaiokegun
minbizi-mota bat da, baldin eta hasieran detektatzen
badugu. Eta datuak ikusi besterik ez dago: 2001 eta 2002
artean Euskadin minbizi-mota inbasibo horren kasuek % 14
egin zuten gora; 2002 eta 2003 artean % 11, eta, gainera,
legebiltzarkide jaun-andreok, in situ 227 kartzinoma, eta
kontuan hartuta, gainera, ez daudela kontabilizatuta in
situ kartzinoma guztiak. Inbasio aurreko lesioak, nahitaez
deklaratzekoak ez direnak, sarri izaten dira, gero eta
sarriago; eta une hauetan, adituen arabera, berriz ere gora
egiten