Breadcrumb [EU]

   Gaia
 

Navegacion

Gai-xehetasuna

7
Euzko Abertzaleak legebiltzar-taldeak egindako legez besteko proposamena, pertsonal sanitarioa emakumeen kontrako indarkeria-gaietan prestatzeari buruz. Eztabaida eta behin betiko ebazpena
2010.03.04
41
04:26
Deialdiko zortzigarren puntua.

Jatorrizko ekimenak

09\11\02\01\00190Pertsonal sanitarioa emakumeen kontrako indarkeria-gaietan prestatzeari buruz

Izapideak

-

Hizlariak

Poposamena egin duen taldearen txanda.

Tejeria Otermin, Bakartxo (NV LT) (13:37)Bideoa ikusi

Zuzenketarik aurkeztu ez duten taldeen txanda.

Maneiro Labayen, Gorka (Mistoa-UPyD LT) (13:42)Bideoa ikusi

Arana Etxezarreta, Mikel (Mixto-EB LT) (13:47)Bideoa ikusi

Larrazabal Antia, Jesus M. (Mixto-EA LT) (Eserlekutik) (13:49)Bideoa ikusi

Ezenarro Egurbide, Aintzane (Aralar LT) (13:50)Bideoa ikusi

Martínez Fernández, Esther (PV-ETP LT) (13:51)Bideoa ikusi

Leturiondo Aranzamendi, Esozi (SV-ES LT) (Eserlekutik) (13:54)Bideoa ikusi

Botazioa. (13:55)Bideoa ikusi

Testua

Gai-zerrendako zortzigarren puntua: "Euzko Abertzaleak
legebiltzar-taldeak egindako legez besteko proposamena,
pertsonal sanitarioa emakumeen kontrako indarkeria-gaietan
prestatzeari buruz. Eztabaida eta behin betiko ebazpena".

Proposamena egin duen taldearen txanda. Tejeria andreak du
hitza.

TEJERIA OTERMIN andreak: Presidente andrea, eskerrik asko.
Legebiltzarkideok, eguerdi on.

Emakumeen aurkako indarkeria giza eskubideen aurkako eraso
bat da, baina baita ere osasun publikoko arazoa.

Osasunaren Munduko Erakundeak, 1996an, osasun
publikoarentzat lehentasunezko arazotzat aitortu zuen
indarkeria.

Osasun-zerbitzuak dira horrelako kasuak detektatzeko
lekurik egokienak edo onenak. Izan ere, uste da
indarkeriaren biktima diren emakumeen portzentaje oso
txikia dela salatzen duena erasotzailea polizia-etxean edo
epaitegian; aldiz, emakume biktima gehienak noiz edo noiz
pasatzen dira famili medikuen eskuetatik. Hori dela eta,
osasun-zentroak oinarri-oinarrizkoak dira biktima horiek
identifikatzeko, haiei laguntza emateko eta dagozkien
baliabideak bidaltzeko.

Beraz, emakumeen aurkako indarkeriako kasuen detekzio
goiztiarra izan da eta izango da osasun-zentroen jarduera
eta esku-hartzeen helburua.

2001. urtean, etxeko tratu txarrak eta sexu-erasoak jasan
dituzten emakumeei harrera hobea egiteko erakundeen arteko
akordio bat sinatu zen. Akordio honen helburua emakumeei
ahalik eta laguntza integral eta koordinatuena ematea zen.

Osasun Sailak tratu txarren aurkako osasun-protokoloa
onartzen du eta zentro guztietara, publiko nahiz
pribatuetara, zabaltzen du. Honen helburua jarduteko
jarraibide berberak ezartzea da, emakumeek osasun-arreta
ziurtatua izan dezaten.

Emakundek emakumeen aurkako etxeko tratu txarren kasuan
laguntzeko osasun-baliabideen ebaluazioa egin du, eta
horren berri izan genuen bere zuzendaria den María
Silvestreren eskutik. Ebaluazio honek zenbait aspektu
agerian uzten ditu eta nondik nora joan behar den ere
azaltzen digu, gai honetan emaitza onak