Breadcrumb [EU]

   Gaia
 

Navegacion

Gai-xehetasuna

8
Euzko Abertzaleak legebiltzar-taldeak egindako legez besteko proposamena, berezko heriotzak ez judizializatzeari buruz. Eztabaida eta behin betiko ebazpena
2010.06.03
56
07:30
Deialdiko 7. puntua

Jatorrizko ekimenak

09\11\02\01\00318Berezko heriotzak ez judizializatzeari buruz

Izapideak

-

Hizlariak

Poposamena egin duen taldearen txanda.

Tejeria Otermin, Bakartxo (NV LT) (18:43)Bideoa ikusi

Zuzenketak aurkeztu dituzten taldeen txanda.

Gallastegui Oyarzábal, Miren (SV-ES LT) (18:46)Bideoa ikusi

Zuzenketarik aurkeztu ez duten taldeen txanda.

Sémper Pascual, Borja (PV-ETP LT) (Eserlekutik) (18:48)Bideoa ikusi

Erantzuteko txanda.

Tejeria Otermin, Bakartxo (NV LT) (Eserlekutik) (18:49)Bideoa ikusi

Botazioa. (18:50)Bideoa ikusi

Amaiera eman zaio bilkurari.

Testua

Gai-zerrendako zazpigarren puntua: "Euzko Abertzaleak
legebiltzar-taldeak egindako legez besteko proposamena,
berezko heriotzak ez judizializatzeari buruz. Eztabaida eta
behin betiko ebazpena".

Proposamena aurkeztu duen taldearen izenean, Tejeria
andreak du hitza.

TEJERIA OTERMIN andreak: Presidente anderea, eskerrik asko.
Legebiltzarkideok, arratsalde on. Gai hau ez da aurrekoa
bezain barregarria eta berehala bukatuko dugu. Edonoren
heriotza berez mingarria bada, heriotza horri autopsia egin
beharra eransten bazaio, oraindik latz eta mingarriagoa
izaten da. Medikuntza Legaleko Euskal Institutoko
arduradunek 2009. urteko datuak eman zituztenean, ondorengo
emaitzak ateratzen ziren: urte horretan 967 autopsia egin
zirela, eta horietatik 495 heriotza arrunt edo natural
bezala ezagutzen direnak.

Urtez urteko datuak aztertzen baditugu, azalean geratzen
dena da hartu duen joera geroz eta autopsia gehiago
egitearena dela, eta askotan horretarako beharrik ez
dagoenean, familien sufrimendua eta ondoeza areagotuz.
Norbait hiltzen denean, mediku bati dagokio heriotza-agiria
sinatzea. Heriotza ospitalean gertatu denean, aurrez
jarraipen edo historia kliniko bat dagoenez, pertsona hori
zertaz hil den zehaztean ez dago arazo gehiegirik. Baina
geroz eta gehiago pertsonak kalean edo etxean hiltzen dira,
eta kasu hauetan agiriak betetzeko garaian medikuak
pertsona hori zertaz hil den zehazteak ba gauzak zaildu
egiten ditu, eta are gehiago guardiako mediku bat denean.
Esan bezala, mediku horrentzat heriotzaren arrazoi
konkretua zehaztea zaila izan daiteke, baina jakin badaki
arrazoi natural..., edo beste modu batera esanda, ez dela
indarkeria edo biolentziarik tartean izan.

Eta egoera hauetan, hau da, indarkeria ez dela egon
hasieratik baieztatu daitekeenean, nire taldearen ustez
jarraitu behar den prozedura arindu beharko litzateke,
autopsia egin beharra ekidinez. Helburu hau bide,
eztabaidatzen hari ginen legez besteko proposamena aurkeztu
dugu. Alderdi Sozialista eta